Yurtimiz bo‘ylab sportning futbol va mini-futbol turlari bo‘yicha “Davlat xafsizlik xizmati kubogi” musobaqalari o‘tkazilmoqda. Bu yil o‘tgan yillardan farqli o‘laroq sportning mini-futbol turi bo‘yicha 16-30 yosh toifasida qizlar o‘rtasida musobaqa ham tashkil etildi. Bellashuvlarning 1-tur, ya’ni Kosonsoy tuman saralash bahslari bo‘lib o‘tdi.
Qizg‘in davom etgan bahslar yakuniga ko‘ra, keyingi viloyat bosqichida ishtirok etib, tumanimiz sharafini himoya qiladigan jamoa ham aniq bo‘ldi.
O‘yin natijalariga ko‘ra: 1-o‘rin “Yangi yo‘l” mahallasi, 2-o‘rin “Chak” mahallasi, 3-o‘rin “Gulbog‘” mahallasi qizlari jamoalariga nasib etdi.
G‘oliblar qimmatbaho sovg‘alar va diplom bilan munosib taqdirlandilar.
Endilikda Kosonsoy tumani 1-sektorga qarashli “Yangi yo‘l” mahallasining qizlar jamoasi musobaqaning Namangan viloyat bosqichida ishtirok etadi.